Бутны мөчирт
Болжмор суух нь
Юутай хөнгөн?
Ажаад л
Алгыг минь дэрлэн нойрсогч
Чамайгаа бодлоо.
Өнөө маргаашгүй л
Амаржих дөхсөн чиний минь алхаа
Өхөөрдмөөр...
Бөөрөнхий бяцхан болжмор
Тэнд явгалан алхах шиг
Бөмбөрөөд л, хацар дээр чинь
Тэсгэлгүй үнсээд авмаар...
Бутны мөчирт
Болжмор суух нь-
Чи хүнстэй торны цаад сэнжээс
Чимээгүй дамжлан алхах нь-
Дулаан энэ л амьдралд тань
Бурхан минь
Юутай их итгэл, уйлмаар их итгэл вэ?