Хавар боллоо
Хавсарга даадаггүй
хашааны хэдэн шон хѳѳрхий
Сѳргүүлж босгох аав минь л үгүй бол
Сѳхѳрч зовох ээж минь хѳѳрхий
Би хол.
Цутгах голгүй цасны ус хѳѳрхий
Цуурсан газрыг хавж оёсон
Мяндас шиг хэдэн хашаан банз хѳѳрхий
Далан татах аав минь л үгүй бол
Даана чиг зовох ээж минь хѳѳрхий
Би хол.
Гуйвсан хэдэн үнээ малын
Бүдэрсэн чулуун дороос цухуйх,
Бургисан улаан шорооны
Нойтон зовхи хѳѳрхий
Ѳѳдрѳг суух аав минь л тэнд үгүй бол
Ѳвѳртѳѳ хумигдаад ѳтѳлчих ээж минь хѳѳрхий
Би хол.
2.
Зун ирлээ
Яагаад ч юм
Дэлгүүрээс үзэмтэй үрэл авсан тэр ѳдѳр
Дэргэдүүр цагаан машинтай давхиад ѳнгѳрсѳн
Орой дээр нь тавилгаа ачаад нүүсэн тэднийх
Одоо л буцаад ирэх юм шиг...
Аальгүй хэдэн охид дээс тоглоно
Арай наана нь олон хѳвүүд сууна
Тэр намхан шиг нь, хамгийн доожоогүй шиг нь
Тэгээд бас их санаатай явсан сан.
3.
Намар...
Найман сарын задгай самар,
Наймаачин байтлаа дуу цѳѳтэй хүүхдүүд.
Үсчний газрын дараалал,
Тэндээс гарах хүүхдийн зулай дээрх том, том ѳѳ шиг
Тэнд, энд дутуу нүцгэрсэн модод...
Хүлээх аав минь ѳтѳл, хүрэх газар хол
Хүйтэн бороонд дэндүү удаан давхих шуудангийн тэрэг
4.
Ѳвѳл ирлээ
Ѳрѳвдмѳѳр хэдэн тагтаа, болжмор
хашаанд цугладаг хэвээрээ
Ѳѳрсдѳѳсѳѳ илүүчилж талх үйрүүлдэг
Аав ижий хоёр тэрүүхэндээ дуу хууртай
амьдрал сайхан болно, урь орно! гэж
амьхандаа нэгнээ урамшуулах дулаан үгтэй.
No comments:
Post a Comment